Qazaqstan Respýblıkasy Prezıdentiniń Jarlyǵy №164

«Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn ótkizýdiń keıbir máseleleri týraly» Qazaqstan Respýblıkasy Prezıdentiniń 2013 jylǵy 24 sáýirdegi №555 Jarlyǵyna ózgeris pen tolyqtyrý engizý týraly Qaýly etemin: 1. «Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn ótkizýdiń keıbir máseleleri týraly» Qazaqstan Respýblıkasy Prezıdentiniń 2013 jylǵy 24 sáýirdegi №555 Jarlyǵyna (Qazaqstan Respýblıkasynyń PÚAJ-y, 2013 j., №28, 424-qujat) mynadaı ózgeris pen tolyqtyrý engizilsin: joǵaryda atalǵan Jarlyqpen bekitilgen Qazaqstan Respýblıkasynyń aýdandyq ma­ńyzy bar qalalary, aýyldyq okrýgteri, aýyldyq okrýgtiń quramyna kirmeıtin kent­teri men aýyldary ákimderin qyzmetke saılaý, óki­lettigin toqtatý jáne qyzmetten bosatý qa­ǵı­dalarynda: 13-tarmaq mynadaı redaksııada jazylsyn: «13. Ákimdikke kandıdattar usynýdy aýdan (qala) ákimi jergilikti qoǵamdastyq jınalysymen keliskennen keıin balama negizde (ıaǵnı ákim laýazymyna keminde eki kandıdat) júzege asyrady. Jergilikti qoǵamdastyq jınalysymen kelisý tıisti aýdandyq (qalalyq) saılaý komıssııasy saılaýdy taǵaıyndaǵan sátten bastap júrgizilýi múmkin.»; mynadaı mazmundaǵy 61-1-tarmaqpen tolyq­tyrylsyn: «61-1. Jergilikti qoǵamdastyq jınalysy ákimdi qyzmetten bosatý týraly máselege bastamashylyq jasaı alady.». 2. Osy Jarlyq alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV Astana, Aqorda, 2016 jylǵy 11 qańtar №164